Gaming News, News

من المحتمل أن تقوم يوبي سوفت بإعادة تسمية Rainbow Six Quarantine

تم الإعلان عن Rainbow Six Quarantine في 2019 قبل ما تنتشر جائحة كورونا في كل أنحاء العالم، كان من المفترض أن تصدر اللعبة في 2020 ولكن بسبب الظروف العالمية اضطرت يوبي سوفت إلى تأجيل إصدار اللعبة حتى  عام 2021.

في التقرير المالي الأخير من الشركة أكدت إنها ممكن تغير إسم اللعبة عشان كلمة Quarantine يعني شكلها وحش مع الجو الي بيمر بيه العالم في الوقت الحالي. طبعاً لو متعرفش فا فكرة لعبة  Rainbow Six Quarantine مستوحاة من مود Outbreak الي نزل للعبة Rainbow Six Siege في 2018 وقدم واحدة من أكتر التجارب المميزة في تاريخ اللعبة والي وبسبب نجاحه قررت يوبي سوفت انها تعمل لعبة قصصية كاملة مخصوصة بنفس الفكرة.

اللعبة من المفترض أنها هتصدر في العام المالي الجاري يعني قبل 1 أبريل 2022. مفيش أي تفاصيل جديدة عن اللعبة في الوقت الحالي بس نتوقع إننا هنشوفها في حدث يوبي سوفت المباشر الجاي وساعتها هنشوف إذا قرروا يغيروا إسمها لإسم جديد تماماً ولا هيسيبوها تحت عنوان Quarantine.

Rainbow Six Quarantine هتتوفر على الحاسب الشخصي و PlayStation 4 و PlayStation 5 و Xbox One و Xbox Series X | S.

تابعنا عشان تعرف اخر الأخبار :

Website: www.gamezawy.com
Facebook: www.gamezawy.info
Instagram: www.gamezawy.co
YouTube: www.gamezawy.club
Telegram: t.me/gamezawyco

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.