Articles, Gaming News, News

ملخص أخبار الأسبوع المُنتهي في 29 يناير 2021

blank

ميكروسوفت خلال الأسبوع الي فات أخدت قرار سيء جداً ورجعت فيه تاني بعد كام ساعة، وكمان عرفنا أول المعلومات عن لعبة James Bond المنتظرة من إستوديو IO Interactive  مُطور سلسلة Hitman. اهلاً بيكم في ملخص أخبار الاسبوع المُنتهي بتاريخ 29 يناير 2021

blank

1- ميكروسوفت ترفع سعر إشتراك Xbox Live Gold وترجع في قرارها بعد ساعات :

ميكروسوفت أعلنت عن رفع سعر إشتراك خدمة Xbox Live Gold للضعف لو هتشترك سنة، يعني بدل 60 دولار بقى 120 دولار والموضوع ده اغضب لاعبين كتير جداً حول العالم عشان كدة ميكروسوفت خلال 12 ساعة بس رجعت في القرار وخلت الأسعار زي ما هي.

مش بس كدة ده الشركة كمان قررت إنها تخلي الألعاب المجانية زي Warzone و Fortnite مش محتاجة إشتراك Xbox Live Gold. النقطة ديه كانت موجودة في PlayStation و Nintendo من فترة طويلة وأخيراً هتبقى متواجدة على منصات Xbox في المستقبل.

blank

2- ريميك Resident Evil 4 سيصدر في 2023 :

خلال الفترة الي فاتت مصادر كتير أكدت إن شركة Capcom شغالة على ريميك الجزء الرابع من سلسلة Resident Evil وإن اللعبة هتنزل في 2022 بعد إصدار Resident Evil Village بسنة واحدة بس.

تسريبات جديدة انتشرت خلال الأيام الي فاتت بتأكد إننا هنشوف الريميك ده في 2023 مش 2022 وده بسبب إن الإستوديو المسؤول عن عملية التطوير قرر إنه يغير شوية حاجات  في اللعبة والتغييرات ديه هتاخد منهم وقت أطول شوية عشان كدة مش هنشوف الريميك قبل سنة 2023. لو مستعجل على تجربة Resident Evil فالجزء الثامن هيتوفر في 7 مايو 2021 على الجيل القديم والجديد والـ PC.

blank

3- تسريب جديد عن لعبة Assassin’s Creed القادمة :

تسريب جديد انتشر عن لعبة Assassin’s Creed الجديدة والتسريب بياكد إنها هتكون في العصور الوسطى في ألمانيا وفرنسا، قصة اللعبة هتكون مرتبطة بشكل كبير بأحداث إضافة The Siege of Paris الي هتنزل للعبة Assassin’s Creed Valhalla خلال 2021.

التسريب كمان أكد إن لعبة Assassin’s Creed الجديدة هتتوفر خلال سنة 2022 وهيتعلن عنها في حدث يوبي سوفت في منتصف سنة 2021 ووقتها هنعرف تفاصيل أكثر عن فكرة اللعبة وقصتها.

blank

4- تقنية تتبع الأشعة قادمة للعبة Hitman 3 :

إستوديو IO Interactive مُطور لعبة Hitman 3 أكد في تصريح أخير إنه هيقدم تقنية تتبع الأشعة في اللعبة على كل أجهزة الجيل الجديد في تحديث هيتوفر خلال سنة 2021.

دعم تقنية تتبع الأشعة هيتوفر الأول على الحاسب الشخصي طبعاً مع بطاقات Nvidia وتقنياتها المميزة زي Nvidia DLSSوبidia DLSSالمميزة زي فر الأول على الحاسب الشخصي طبعاً مع بطاقات جهزة الجيل الجديد في تحديث هيتوفر خلال سنة 2021.ضافة لتطوير قرر وبعد كدة هنشوفه على كل أجهزة الكونسول PlayStation 5 و Xbox series X | S.

blank

5- لعبة Project 007 ستكون أضخم من Hitman :

تكملة لكلامنا عن إستوديو IO Interactive فهو شغال حالياً على لعبة جديدة كلياً وهي لعبة جيمس بوند بعنوان Project 007، اللعبة هيشتغل عليها حوالي 400 موظف وده ضعف العدد الي اشتغل على سلسلة Hitman الي نزلت خلال السنين الي فاتت.

كمان اللعبة هتكون أضخم وأعمق بكتير من Hitman سواء من ناحية القصة أو أسلوب اللعب، بالإضافة لكدة فالإستوديو هيقدم شخصية جيمس بوند جديدة كلياً ومش من أي فيلم اتقدم قبل كدة.

blank

6- جزء ثاني من Ghost of Tsushima في التطوير :

حساب LinkedIn للمخرج الإبداعي Dave Malloy من إستوديو Sucker Punch اتحدث خلال الأيام الي فاتت واتأكد إنه شغال على لعبة Ghost of Tsushima جديدة لمنصات PlayStation. طبعاً مفيش تفاصيل أكتر اتقالت ولو في جزء تاني في التطوير فمتتوقعوش نسمع عنه أي تفاصيل الا بعد كام سنة من دلوقتي بس بشكل عام هي حاجة حلوة اننا اتأكدنا إن الإستوديو هيشتغل على جزء تاني من السلسلة.

blank

7- تسريب : نسخة جديدة قادمة من لعبة Death Stranding :

في تسريب جديد اتنشر حول نسخة جديدة من لعبة Death Stranding بإسم Extended Edition، النسخة ديه هتستفيد بشكل ضخم من مميزات منصة PlayStation 5 زي إنها هتقدم رسومات أحسن وهتدعم طبعاً يد تحكم Dualsense الخاصة بالجهاز.

مش بس كدة، ده التسريب كمان بياكد إن اللعبة هتقدم محتوى قصة إضافي عن الي كان موجود في اللعبة الرئيسية، النسخة ديه بنسبة كبيرة هتكون مدفوعة مش تحديث مجاني لمُلاك اللعبة.

Ahmed Yousry

About Ahmed Yousry

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.