الأخبار, عن الألعاب

لعبة Fall Guys بقت أنجح عنوان لشركة Devolver Digital

blank

لعبة Fall Guys حققت نجاح ضخم في اولى أيام الإصدار وشهدت وجود أكتر من مليون ونصف لاعب في أول يوم بس وده كان شيء مفاجئ للمطورين نفسهم. اللعبة باعت الاف النسخ على متجر Steam على الحاسب الشخصي !

سبب من أسباب نجاح اللعبة الضخم في وقت بسيط من الإصدار هو إنها نزلت كلعبة مجانية للمشتركين في خدمة PlayStation Plus. لو انت معاك الخدمة فا تقدر تاخد اللعبة مجاناً وده طبعاً خلى اللعبة تاخد شهرة أكتر على منصة PlayStation 4.

امبارح، اللعبة شهدت قفزة في عدد اللاعبين النشطين في نفس الوقت، اللعبة كان بيلعبها اكتر من 115 الف لاعب نشط في نفس الوقت على متجر Steam وده رقم ضخم جداً. مئات الالاف بيتفرجوا على اللعبة كل يوم على Twitch و Youtube والناس كلها مستمتعة بيها بشكل عام.

لعبة Fall Guys متوفرة دلوقتي على الحاسب الشخصي و PlayStation 4 بسعر 20 دولار أمريكي.غير كدة فا تقدر تاخد اللعبة مجاناً لو انت مشترك في خدمة PlayStation Plus.

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.