Gaming News, News

رسمياً : PlayStation تُعلن عن شراكة مع Discord

كشفت Sony PlayStation عن تعاقد جديد مع Discord لإضافة الخدمة على منصات PlayStation بدايةً من عام 2022.

بإختصار كدة، بدايةً من أوائل سنة 2022 خدمة Discord هتكون متوفرة على منصات PlayStation 4 و PlayStation 5 وهيتم ربطها بخوادم نسخة الهواتف الذكية من برنامج Discord، لازم نوضح الكلام ده عشان الناس مترفعش أمالها وتتوقع أنها هتخش في شات مع الناس الي بتلعب على الحاسب الشخصي، ممكن يحصل في المستقبل بس لحد دلوقتي الي تم الإعلان عنه هو إن الخدمة على منصات PlayStation هتكون مربوطة بالهواتف الذكية بس !

من فترة كان في تسريب أكد إن ميكروسوفت دخلت في مفاوضات مع ديسكورد عشان تستحوذ على البرنامج وتنزله على منصات Xbox ولكن الإستحواذ متمش. هتكون حاجة حلوة لو البرنامج نزل على منصات Xbox كمان واتربط بالخوادم الخاصة بمنصات PlayStation عشان اللعب المشترك يبقى أمتع بين Xbox و PlayStation.

الفكرة إن اساساً متمش توضيح تفاصيل الإتفاق بين PlayStation و Discord هتكون عاملة ازاي وممكن بعد كل ده تكون زي الإتفاقية الي بين Xbox و Discord وإنها مجرد integration !

تابعونا على السوشيال ميديا عشان تتعرفوا على أخر الأخبار في عالم الجيمنج :

Website: www.gamezawy.com
Facebook: www.gamezawy.info
Instagram: www.gamezawy.co
YouTube: www.gamezawy.club
Telegram: t.me/gamezawyco

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.