موقع Bloomberg عمل لقاء جديد مع شركة Krafton الي تعتبر الشركة الأم لـ PUBG Corporation مطورين لعبة PlayerUnknown’s Battlegrounds.
في اللقاء أكد Kim Chang-han رئيس شركة Krafton إننا خلال سنة من دلوقتي هنشوف لعبة جديدة في عالم PlayerUnknown’s Battlegrounds ومع إنتشار الشائعات خلال الفترة الي فاتت بتأكيد العمل على لعبة PUBG 2 فا شكلنا هنشوفها فعلاً خلال فترة قريبة مش طويلة زي ما التوقعات قالت.
هو بشكل عام لسة مفيش تفاصيل كتير عن الموضوع بس من الواضح إن شركة Krafton ناوية تبني عالم خاص بـ PlayerUnknown’s Battlegrounds ونشوف فيه تجارب مختلفة بأفكار ألعاب منوعة. على سبيل المثال في 2022 المفروض إننا هنشوف لعبة رعب إسمها The Callisto Protocol من مطورين Dead Space وتم التأكيد على إن اللعبة ديه في عالم PUBG فإحنا متحمسين نشوف إيه الي هيحصل الفترة الجاية في العالم ده.
رئيس شركة Krafton أكد إن اللعبة الجديدة الي هتنزل خلال سنة هتتوفر على الحاسب الشخصي وأجهزة الكونسول بس متكلمش عن نسخة موبايل منها. على العموم تابعونا على مواقعنا على السوشيال ميديا عشان تشوفوا أخر الأخبار :
promidoz
