الأخبار, عن الألعاب

رئيس اكس بوكس بيأكد مرة تانية على ان معظم ألعاب Bethesda هتبقى حصرية لنظام ميكروسوفت

خلال الفترة الي فاتت ميكروسوفت قلبت الانترنت بإستحواذها الكامل على شركة Bethesda والشركة الأم ZeniMax Media وبدأت تظهر تساؤلات كتير عن الاستحواذ ده وهل الألعاب المستقبلية من Bethesda هتصدر على البلايستيشن ولا هتبقى حصرية اكس بوكس و PC فقط.

مجموعة من التصريحات من Bethesda و Microsoft خلال الفترة الأخيرة أكدت على الموضوع بشكل مختلف، Phil Spencer رئيس Xbox أكد إن كل الألعاب المستقبلية من Bethesda ( الي متمش الإعلان عنها ) هتكون حصرية لنظام ميكروسوفت وهو النظام الي بيضم Xbox والحاسب الشخصي و Xbox Game Pass و xCloud.

أكد برضو Phil Spencer إن الألعاب ممكن تصدر على منصات تانية بس ده هيكون بإختيار الشركة  على حاجات معينة مش كل الألعاب هتنزل.

برضو خلال الفترة الي فاتت مجموعة من الإعلاميين اتكلموا عن الموضوع زي الإعلامي الشهير Jez Cordan والي أكد إن لعبة زي Starfield مش هتتوفر على منصة Sony PlayStation 5 بل هتصدر بشكل حصري على الحاسب الشخصي و Xbox Series X | S فقط.

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.