الإعلامي الشهير Jeff Grubb وضح عبر حسابه الرسمي على موقع Twitter ان شركة ميكروسوفت لسة ناوية تخلي خدمة Xbox Live مجانية !
اخر مرة سمعنا عن الإشاعة ديه كان من شهرين تقريباً وبعدها الموضوع اختفى . لكن الإعلامي Jeff Grubb بيلمح مرة تانية على حسابه الرسمي عن الموضوع وان ميكروسوفت في اخر لحظة قررت تغير حطة الإعلان وأجلت الموضوع لوقت تاني.
واحد سأله وقالي : ” ماذا حدث لخدمةXbox Liveالمجانية ؟ “ ، رد عليه Jeff وقال : ” نفس الذي حدث لتسعيرSeries X و Series S ومواعيد إصدارهما وأخبار خدمة Game Pass.”.
ده معناه ان الشركة بس قررت انها تأجل موعد الإعلان عن كل التفاصيل ديه. على العموم احنا من المفترض هنشوف تفاصيل اكتر عن Series S بعد الإعلان امبارح وعن Series X خلال شهر سبتمبر وأكيد ده هيبقى انسب وقت للإعلان عن الخدمة بقت مجانية.
منصتي Xbox Series X و Series S هيتوفروا في 10 نوفمبر 2020 عالمياً بسعر 500 دولار و 300 دولار.