الأخبار, عن الألعاب

تحديثات قادمة قريباً للعبة Marvel’s Avengers

لعبة Marvel’s Avengers نزلت من حوالي شهر وأسبوع وعلى الرغم من ان لسة مبقلهاش كتير في السوق الا ان الناس بدأت تمل من التجربة بشكل ملحوظ عشان مفيش حاجة تتلعب اصلاً وهتضطر انك تعيد نفس المهام تاني وده شيء ممل.

إستوديو Crystal Dynamics ( على حسب كلامه طبعاً ) بيقول إنه واثق من ان اللاعبين هيرجعوا يجربوا اللعبة تاني بعد التحديثات الجديدة الي هتتوفر خلال الفترة الي جاية والي هتقدم مجموعة جديدة من المهام والأعداء  الي هتخلي التجربة أكثر متعة للاعبين.

شخصياً مظنش اننا ممكن نشوف اللعبة بتكبر أو بتنتشر تاني بشكل سريع إلا في بدايات 2021 لما يتم إصدار شخصية Spider Man في اللعبة ، وأساساً اللعبة مش هتزدهر مرة تانية الا على PlayStation  سواء 4 أو 5 لإن شخصية Spider Man مش هتنزل الا عليهم.

لعبة Marvel’s Avengers تقدر تشتريها دلوقتي على الحاسب الشخصي على متجر Steam أو على PlayStation 4 و Xbox One وشخصياً انصحك تخلص القصة وتحاول تتصرف في اللعبة وتبيعها لأنها تجربة بتبدأ تكون مملة مع الوقت.

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.