Gaming News, News

الموافقة على إستحواذ ميكروسوفت على Bethesda سيحدث قبل 5 مارس 2021

ميكروسوفت من يومين أرسلت طلب لمنظمات الإحتكار في الإتحاد الأوروبي عشان يوافقوا على إستحواذهم الي هيحصل على شركة Bethesda التابعة لـ ZeniMax بكل الإستوديوهات الي تحتها.

الموافقة المفروض هتتم قبل 5 مارس 2021 وساعتها إستوديوهات Bethesda كلها زي id Software و Arkane و Bethesda Game Studios هيكونوا تابعين لشركة Microsoft Xbox. الموافقة ممكن تتأخر شوية لو منظمات الإحتكار طلبت تفتح تحقيق عشان تشوف مدى تأثير قرار الإستحواذ بس بنسبة كبيرة الموضوع ده مش هيحصل والإستحواذ هيتم بشكل سلس جداً بدون فتح تحقيقات أو أي حاجة.

على العموم ديه كل التفاصيل الي معانا في الوقت الحالي وفي إنتظار نشوف الإستحواذ بعد ما يتم هيكون إيه قرار ميكروسوفت من ناحية الألعاب، هل هتخلي كل ألعاب Bethesda المستقبلية حصرية ولو ممكن تعمل إستثناء لبعض الألعاب وتخليهم ينزلوا على منصات تانية زي PlayStation و Nintendo.

متنسوش تتابعونا على السوشيال ميديا عشان تعرفوا أخر الأخبار :

Website: www.gamezawy.com
Facebook: www.gamezawy.info
Instagram: www.gamezawy.co
YouTube: www.gamezawy.club
Telegram: t.me/gamezawyco

 

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.