Gaming News, News

إغلاق موقع Killzone

النهاردة لو حبيت تفتح موقع Killzone.com هتلاقي رسالة جديدة مكانتش موجودة قبل كدة، الرسالة ديه من إستوديو Guerrilla Games وبيقول فيها بعض التفاصيل الجديدة.

على حسب كلام الإستوديو فالموقع الخاص بسلسلة Killzone هيقفل تماماً وبدايةً من الفترة الي جاية أي حد هيحب يزور الموقع هيتم تحويله بشكل تلقائي لموقع PlayStation.com. الموضوع ده مش هيأثر بأي شكل من الأشكال على طور الأونلاين الخاص بألعاب زي Killzone Shadow fall أو Killzone Mercenary بس من دلوقتي مش هتقدر إنك تصنع Clan جديد مثلاً في لعبة Killzone Shadow fall.

احنا مشوفناش حاجة عن سلسلة Killzone من ساعة ما لعبة Shadow fall نزلت بجانب جهاز PlayStation 4 في 2013 وواضح إن إستوديو Guerrilla Games في الوقت الحالي مركز على لعبة Horizon II Forbidden West بالإضافة لمشاريع تانية مختلفة وسلسلة Killzone مش من ضمنها للأسف.

هل ده معناه إننا مش هنشوف جزء جديد من السلسلة على PlayStation 5 ؟ مفيش إجاية واضحة حالياً وغلق الموقع مش بيدل على إن السلسلة ماتت بل من المحتمل اننا نشوفها بترجع بجزء تاني في المستقبل بس متتوقعوش ده في اي وقت قريب.

 

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.