Gaming News, News, Rumors

إشاعة : ريميك Final Fantasy 7 سيتوفر على الحاسب الشخصي

خلال الفترة اي فاتت إنتشرت إشاعة بتقول إن لعبة Final Fantasy VII Remake هينزل منها نسخة لمنصة PlayStation 5 خلال سنة 2021 وإن النسخة ديه هتستفيد طبعاً من كل مميزات الجهاز زي إننا هنشوف تقنية تتبع الأشعة وسرعات تحميل أعلى عشان الهارد الـ SSD وكمان فريمات أعلى.

الإشاعات مستمرة عن الريميك وعلى حسب اخر الإشاعات فا شركة Square Enix ناوية تنزل نسخة للحاسب الشخصي بجانب نسخة PlayStation 5 لإن العقد كان مُوضح فيه إن اللعبة هتفضل حصرية على منصات PlayStation لمدة سنة واحدة فقط واللعبة بالفعل صدرت على PlayStation 4 خلال شهر أبريل 2020 وفاضل 3 شهور بس والعقد يخلص ونشوف اللعبة تنزل على منصة الحاسب الشخصي.

كمان في إحتمالية كبيرة إن اللعبة تتوفر على منصات Xbox سواء Xbox One أو Xbox Series X | S زيها زي Final Fantasy 15 ومجموعة من الاجزاء الي قبلهم. لو معاك أجهزة تانية غير PlayStation وعايز تجرب الريميك فا كلها كام شهر والريميك هيتوفر على أجهزة تانية.

من المتوقع إن كل الإعلانات ديه هتحصل خلال شهر فبراير الجاي فتابعونا على مواقع السوشيال ميديا عشان تعرفوا أخر الأخبار :

Website: www.gamezawy.com
Facebook: www.gamezawy.info
Instagram: www.gamezawy.co
YouTube: www.gamezawy.club
Telegram: t.me/gamezawyco

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.