Gaming News, News

إشاعة : الجزء القادم من Assassin’s Creed سيصدر في 2022

كالعادة بعد كل إصدار لجزء من Assassin’s Creed بنبدأ نشوف تسريبات عن الجزء الي جاي في السلسلة خاصةً لما التسريبات تكون بتتكلم عن ميعاد الإصدار.

التسريب المرة ديه جاي من مقدم محتوى فرنسي على  اليوتيوب والي أكد إن يوبي سوفت مش ناوية تنزل لعبة Assassin’s Creed جديدة خلال سنة 2021 بل خلال السنة ديه هتكمل دعمها للعبة Assassin’s Creed Valhalla بمحتوى جديد وإضافات الـ Season Pass الي هتقدم تجارب ضخمة وهتضيف لعمق اللعبة وقصتها. لو حبيت Valhalla أنصحك تشتري تذكرة الموسم عشان في إضافات حلوة جداً هتنزل للعبة قريب.

بالنسبة للعبة الي جاية في السلسلة فا مقدم المحتوى الفرنسي بيأكد إنها هتكون من تطوير إستوديو Ubisoft Sofia الي اشتغل على إضافات Assassin’s Creed Origins وإشتغل كمان على لعبة Assassin’s Creed Rogue في 2014 ونسخة الريماستر الخاصة بيها.

مقدم المحتوى الفرنسي بيأكد كمان إن اللعبة مش هتصدر في أواخر 2022 بل هتتوفر في أوائل 2022 وده بيخلينا نتوقع إن الجزء الجديد الي هينزل في أوائل 2022 ممكن ميكونش جزء أساسي في السلسلة بل يكون جزء فرعي وبعدها نشوف جزء أساسي في أواخر 2022 أو 2023.

بشكل عام هي حاجة حلوة جداً إن يوبي سوفت واخدة وقتها وبتنزل الألعاب الجديدة من السلسلة بعد كام سنة من إصدار الأجزاء الي قبلها، ده هيضمن إننا ناخد تجربة ممتازة زي الي قدمتها Valhalla.

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.