Gaming News, News

إستوديو San Diego يعمل على سلاسل صدر منها أجزاء بالفعل !

من كام سنة كدة سمعنا إن سوني قررت تخلي إستوديو Sony San Diego يشتغل على لعبة جديدة وهتتوفر بشكل حصري على منصة PlayStation 5 طبعاً.

من ساعة الإعلان وانتشرت تسريبات كتير جداً عن المشروع الي الإستوديو شغال عليه، بعض التسريبات ديه أكدت إن الإستوديو شغال على جزء جديد من سلسلة Uncharted خاصةً وإن ناس كتير من الي كانوا شغالين في Naughty Dog قرروا إنهم يشتغلوا في الإستوديو ده وأكيد في سبب وراء الكلام ده !

النهاردة رئيس الإستوديو السابق Michael Mumbauer وضح على حسابه على موقع LinkedIn إن الإستوديو شغال على لعبة أكشن ومغامرات ضخمة وإن السبب وراء ضم المطورين من أماكن مختلفة هو التوسع في سلاسل موجودة فعلاً وإنشاء عناوين جديدة كلياً. بما إن الإستوديو إتأكد إنه شغال على لعبة أكشن ومغامرات فكل التوقعات إتجهت إلى لعبة Uncharted مرة تانية وديه كدة تالت مرة نشوف تسريب على إن في جزء جديد في التطوير خلال الوقت الحالي.

إستوديو Naughty Dog كمان فتح طلبات توظيف عشان هيشتغلوا على مشروع جديد وواضح إننا هنشوف عنوان جديد منهم مش جزء جديد من Uncharted. ممكن كمان نشوف The Last of Us Part 3.

متنساش تتابعنا على كل روابط السوشيال ميديا الخاصة بينا عشان ميفوتكش أي أخبار او تسريبات :

Website: www.gamezawy.com
Facebook: www.gamezawy.info
Instagram: www.gamezawy.co
YouTube: www.gamezawy.club
Telegram: t.me/gamezawyco

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.