الأخبار, عن الألعاب

إستوديو CD Projekt RED بقى أعلى إستوديوهات الألعاب في أوروبا من ناحية القيمة السوقية

تقرير جديد صدر امبارح أكد إن إستوديو CD Projekt RED بقى أكتر إستوديو له قيمة سوقية في أوروبا. الإستوديو قيمته بقت أضخم من يوبي سوفت والي كانت أضخم شركات تطوير الألعاب في أوروبا من شوية أيام بسيط بس اللقب حالياً بقى في ايد CD Projekt RED.

في ديسمبر 2019 تم التأكيد على إن قيمة إستوديو CD Projekt RED وصلت 6.8 مليار دولار أمريكي وخلال 6 شهور بس القيمة ديه زادت بشكل ضخم جداً ووصلت لـ 8.13 مليار دولار. بالرقم ده الإستوديو قدر يتفوق على Ubisoft والي قيمتها السوقية 8.12 مليار دولار.

نتوقع إن قيمة الإستوديو السوقية هتزيد بشكل كبير بعد إصداره للعبة Cyberpunk 2077. اللعبة هي واحدة من أكتر العاب الجيل إنتظاراً منذ إصدار أول إعلان ليها في 2012. لعبة Cyberpunk 2077 هتصدر على الحاسب الشخصي و Xbox One  و PlayStation 4  في 17 سبتمبر 2020.

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.