Articles, Gaming News, News

أهم ألعاب يناير 2021

خلصت 2020 وكانت سنة مليانة ألعاب كتير قوية، إستمتعنا بتجربة DOOM Eternal و Ghost of Tsushima و Cyberpunk 2077 وغيرهم من الألعاب الي هيفضلوا في ذاكرتنا لسنين طويلة جاية. بس خلاص، السنة خلصت والوقت جه عشان نشوف سنة 2021 هتقدملنا ايه في مجال الجيمنج.

شهر يناير 2021 في مجموعة ألعاب كويسة جداً ومش قليلة بس الأهم من القائمة ديه ميجوش حوالي 5 ألعاب بس عشان كدة النهاردة احنا هنركز على أهم الألعاب الي هتنزل في يناير مش كلها. ديه قائمة بأهم الألعاب الي هنشوفها في يناير 2021 :

–  Hitman 3 وهتصدر على الحاسب الشخصي و PS4 و PS5 و Xbox One و Xbox Series X | S في 20 يناير
– نسخة الجيل الجديد من Ride 4 والي هتصدر على PS5 و Xbox Series X |S في 21 يناير
The Medium، حصرية ميكروسوفت الجديدة من إستوديو Bloober Team وهتصدر على الحاسب الشخصي و Xbox Series X | S في 28 يناير
Yakuza Remastered Collection وهتتوفر على الحاسب الشخصي و Xbox Series X | S في 28 يناير
– وأخيراً في يناير 2021 بدون ميعاد محدد، نسخة PlayStation و Xbox من Super Meat Boy Forever

لو هنتكلم عن الألعاب المهمة فا لازم طبعاً نبدأ بـ Hitman 3، الجزء التالت والأخير من سلسلة الأكشن والتخفي الرائعة، إستوديو IO Interactive من المتوقع إنه هيقدم تحفة فنية للمرة التالتة هتنهي السلسلة بأفضل شكل ممكن. كمان لو جبت اللعبة على الجيل الماضي هتقدر تاخد ترقية مجانية للجيل الجديد.

كمان أخيراً هنشوف حصرية قوية على الجيل الجديد من Xbox وهي The Medium، اللعبة من تطوير إستوديو Bloober Team الي قدم سلسلة Layers of Fear و Observer و Blair Witch. اللعبة هتصدر يوم 28 على الجيل الجديد والحاسب الشخصي وفي نفس اليوم هتنضم لخدمة Xbox Game Pass كمان !

 

 

Ahmed Yousry

About promidoz

Editor-in-Chief. About 5 years of experience in Gaming Journalism with more than 13k news written, tens of articles, video scripts and reviews. A hardcore gamer that loves a challenge.